Սիրիայում թուրքական օդուժի հարվածների հետևանքով զոհվել է 24 խաղաղ բնակիչ
Թուրքական ռազմաօդային ուժերը երկու օր անընդմեջ հարվածներ են հասցրել Հալեպի հյուսիսային գավառում գտնվող Էլ-Բաբ քաղաքի ուղղությամբ, ինչի հետևանքով զոհվել է 24 խաղաղ բնակիչ: Այս մասին հայտնում է «Ռիա Նովոստ»ն` վկայակոչելով Սիրական ժողովրդավարական խորհուրդ ընդդիմադիր կուսակցության ներկայացուցիչ Ռեյան Հեդու խոսքերը:
«Այսօր ավիացիոն հարվածների հետևանքով տասնյակ մարդ է զոհվել և վիրավորվել:Թուրքական ինքնաթիռը գրոհել է ավտոբուսի վրա, որտեղ գտնվել են փախստականները»,- նշել է Հեդուն:
Ըստ քաղաքական գործչի`դեկտեմբերի 21-ին թուրքական ինքնաթիռների հարվածի հետևանքով զոհվել է 14 խաղաղ բնակիչ, որոնց թվում եղել է նույն ընտանիքի չորս երեխա:
