Ազնավուրը Փարիզում սկսել է համերգների շարքը
Հայազգի լեգենդար շանսոնյե Շառլ Ազնավուրը դեկտեմբերի 21-ից Փարիզի սպորտային պալատում սկսել է երեք բացառիկ համերգների շարքը: Ինչպես փոխանցում է Nouvelles d`Armenie-ն, Ազնավուրն իր երգերով հուզել է համերգին ներկա հանդիսատեսին` ներկայացնելով հայտնի հիթերն ու կարիերայում իրեն հաջողություն բերած երգերը:
Շանսոնյեյի մյուս համերգները Փարիզում կայանալու են դեկտեմբերի 26-ին և 28-ին: 2015-ի սեպտեմբերին նույն սրահում ունեցած համերգով գրեթե 93-ամյա Ազնավուրը սկսեց համաշխարհային շրջագայությունը, այդ թվում` Երևանում, Մոսկվայում, Նյու Յորքում, Բոստոնում, Մոնրեալում, Քվեբեկում, Մայամիում, ԼոսԱնջելեսում՝ սահմանելով հաճախելիության նոր ռեկորդներ
