«Մանչեսթեր Յունայթեդը» 2017-ին մտադիր է ձեռք բերել Անտուան Գրիզմանին
«Մանչեսթեր Յունայթեդը», որի կազմում հանդես է գալիս Հայաստանի հավաքականի կիսապաշտպան Հենրիխ Մխիթարյանը, մոտակա երկու տրանսֆերային պատուհանների ընթացքում հնարավոր է նորեկների ձեռքբերման համար ծախսի 213 մլն եվրո: Այդ մասին հաղորդում է The Telegraph-ը:
Անգլիական ակումբի գլխավոր նպատակներն են լինելու «Ատլետիկոյի» հարձակվող Անտուան Գրիզմանը, «Բենֆիկայի» պաշտպաններ Վիկտոր Լինդելոֆը և Նելսոն Սեմեդուն, ինչպես նաև «Մոնակոյի» կիսապաշտպան Տեմուա Բակայոկոն:
Աղբյուրի տեղեկություններով, Գրիզմանին, Բակայոկոյին և Սեմեդուին «Մանչեսթեր Յունայթեդը» մտադիր է ձեռք բերել ամռանը, այն դեպքում, երբ Լինդելոֆը հնարավոր է անգլիական ակումբ տեղափոխվի հունվարին:
