Թուրքիայում կրկին գավառապետեր են ձերբակալվել
Թուրքիայի Շիիրթի նահանգի տեղական ինքնակառավարման մարմիններում ահաբեկչության դեմ պայքարի գործողությունների ընթացքում ձերբակալվել են երկու գավառապետեր:
Այս մասին, ինչպես հաղորդում է «Արմենպրես»-ը, հայտնում է թուրքական hurriyet.com.tr-ն: Շիիրթի գլխավոր դատախազության իրականացրած գործողությունների արդյունքում ձերբակալվել են Բայքանի եւ Վեյսել Քարանի շրջանների գավառապետերը:
Ձերբակալվածները կասկածվում են պաշտոնական դիրքը չարաշահելու եւ ահաբեկիչներին օժանդակություն ցուցաբերելու մեջ:
Ձերբակալված երկու ՏԻՄ ղեկավարներն էլ Թուրքիայի Ժողովրդավարական շրջաններ կուսակցության( DBP) անդամներ են:
