«Ես սպասում եմ նոր մարտահրավերի. իմ կարիերան դեռ չի ավարտվել». Վլադիմիր Կլիչկո
Վլադիմիր Կլիչկոն հայտարարել է, որ չի մտածում կարիերայի ավարտի մասին:
«Ոչ ոք չպետք է խոսի իմ կարիերայի ավարտի մասին, բացի ինձանից: Բայց եթե Դուք արդեն հարցրել եք, ապա ամեն ինչ հարաբերական է: Ինչ էլ ուզում է լինի, ես նոր մարտահրավերի եմ սպասում: Իմ կարիերան դեռ չի ավարտվել:
Հուսով եմ, առողջությունս թույլ կտա մենամարտել որքան հնարավոր է երկար, որովհետև մոտիվացիայի հետ կապված պրոբլեմ չկա: Կան բռնցքամարտիկների օրինակներ, որոնք կռվել են նաև 50 տարեկանից հետո: Ես չեմ ասում, որ ակտիվ սպորտում կլինեմ 50 տարեկանում, բայց ո՞վ գիտի: Կապրենք՝ կտեսնենք»,- ասել է Վլադիմիր Կլիչկոն:
Հիշեցնենք, որ ապրիլի 29-ին Կլիչկոն կարող է մենամարտ անցկացնել IBF տիտղոսի մրցանակակիր Էնտոնի Ջոշուայի հետ:
Պատրաստեց Անի Գաբուզյանը
