Ֆրանսիայի իշխանությունները պատրաստվում են երկարաձգել արտակարգ դրության ռեժիմը
Ֆրանսիայի իշխանությունները պատրաստվում են հերթական անգամ երկարաձգել երկրում արտակարգ դրության ռեժիմը, հայտնում է «Անադոլու» գործակալությունը:
Ֆրանսիայի վարչապետ Բեռնար Կազնյովը Ֆրանսիայի նախարարների կաբինետի նիստից հետո հայտարարել է, որ կառավարությունը պատրաստվում է խորհուրդ տալ խորհրդարանին երկարաձգել արտակարգ դրության ռեժիմը մինչև 2017թ. հուլիսի 15-ը:
«Ֆրանսիայում պահպանվում է ահաբեկչությունների սպառնալիքը: Կայանալիք նախագահական ու խորհրդարականական ընտրությունների ֆոնին երկրում շարունակվում է արտակարգ դրության ռեժիմը»,- ասել է Կազնյովը:
Նրա խոսքով՝ համապատասխան օրինագիծը քննարկվելու է երեքշաբթի օրը խորհրդարանի ստորին պալատում, իսկ հինգշաբի՝ Սենատում:
