ԱՄՆ պետքարտուղարի ակնհայտ թեկնածու են մնում Ջուլիանին և Ռոմնին
ԱՄՆ պետքարտուղարի ակնհայտ թեկնածուներ են մնում Նյու Յորքի նախկին քաղաքապետ Ռուդոլֆ Ջուլիանին և Մասաչուսեթսի նախկին նահանգապետ Միթթ Ռոմնին: Ինչպես փոխանցում է TASS-ը, ԱՄՆ ընտրված նախագահ Դոնալդ Թրամփի անցումային վարչակազմի ղեկավար Շոն Սփայսերը դա հաստատել է առավոտյան բրիֆինգի ժամանակ:
«Շահարկումները շատ են, դրանք մենք գրեթե երբեք չենք հաստատել: Բացառություն են ակնհայտ թեկնածուներ Ռոմնին ու Ջուլիանին»,- ասել է Սփայսերը:
Մյուս պաշտոնների մասով, շտաբի ներկայացուցչի խոսքով, թեկնածուների ընտրության կարգն անցնում է ազատ ռեժիմով: Երբ Թրամփը կիմանա նոր հետաքրքիր տարբերակների մասին` դրանք կքննարկի: «Որոշումը կհրապարակվի այն ժամանակ, երբ ԱՄՆ նախագահն այն ընդունի»,- ասել է Սփայսերը:
