«Գազպրոմը» Թուրքիայի տարածքային ջրերում «Թուրքական հոսք»-ի երկու ճյուղի աշխատանքների թույլտվություն է ստացել
Ռուսական «Գազպրոմ» ընկերությունը դիվանագիտական խողովակներով ստացել է թույլտվություն՝ հետազոտական աշխատանքներ իրականացնել Թուրքիայի տարածքային ջրերում «Թուրքական հոսք» գազատարի ծովային հատվածի երկու ճյուղերի համար։ Այս մասին հայտնում է TASS-ը՝ հղում կատարելով ռուսական ընկերության մամուլի հաղորդագրությանը։
«Հարկ է նշել կառուցողական, օպերատիվ համագործակցությունը մեր թուրք գործընկերների հետ։ «Թուրքական հոսք» նախագծի վրա աշխատանքը ընթանում է հիանալի տեմպով»,- հայտարարել է ընկերության ղեկավար Ալեքսեյ Միլլերը, որի խոսքերը մեջբերել է հոլդինգի մամուլի ծառայությունը։
Սեպտեմբերի կեսին «Գազպրոմը» հայտնեց, որ ստացել է առաջին թույլտվությունը Թուրքիայի իշխանություններից՝ կառուցելու գազատարի ծովային հատվածը:
