«Մենք ամեն ինչ չենք հաղորդում մամուլին, սակայն քննարկումները ԵԱՀԿ ՄԽ համանախագահների հետ շարունակվում են». Մամեդյարով
Լեռնային Ղարաբաղի հակամարտության կարգավորման հետ կապված բանակցությունների ինտենսիվությունը շարունակվում է։ Գուցե մենք ամեն ինչ չենք հաղորդում մամուլին, սակայն կարող եմ ասել, որ մենք քննարկումներ ենք իրականացնում ԵԱՀԿ Մինսկի խմբի համանախագահների և ԱԳ նախարարների մակարդակով։
Ադրբեջանական APA գործակալության հաղորդմամբ՝ այս մասին հայտարարել է Ադրբեջանի արտգործնախարար Էլմար Մամեդյարովը։
Նա ընդգծել է, որ ԼՂ հակամարտության կարգավորման շուրջ բանակցությունները շարունակվում են։ «Մենք մեդիային տեղեկություն չենք տրամադրում, քանի որ որոշել ենք, որ կարող ենք արդյունքի հասնել, հետո նոր հայտնել մամուլին»։
