Ադրբեջանն ու Ուկրաինան հակատանկային հրթիռներ կարտադրեն
Բաքուն և Կիևը պատրաստվում են ընդլայնել երկկողմ ռազմա-տեխնիկական համագործակցությունն ու դիտարկում են Ադրբեջանում մեծ ճշգրտության սպառազինության համատեղ արտադրություն հիմնելու հնարավորությունը:
Այս մասին հայտնում է ադրբեջանական haqqin.az պորտալը՝ վկայակոչելով «Ուկրսպեցէքսպորտ» պետական ընկերության մամուլի ծառայությանը: Նշվում է, որ ուկրաինա-ադրբեջանական ռազմա-տեխնիկական համագործակցության պոտենցյալը դարձել է ուկրաինական պետական ընկերության ղեկավար Պավել Բուկինի՝ Ադրբեջանի ղեկավարության հետ բանակցությունների առարկա:
Հանդիպումը կայացել է սեպտեմբերի 27-30-ը Բաքվում անցկացվող ADEX-2016 ռազմական ցուցահանդեսի շրջանակներում:
Հաղորդագրության համաձայն՝ Ադրբեջանի պաշտպանական արդյունաբերության փոխնախարար Թոֆիգ Ռաֆիևի հետ հանդիպման ընթացքում քննարկվել են հակատանկային հրթիռային համալիրների համատեղ և դրանց կից ղեկավարվող հրթիռների արտադրության հարցերը Ադերբեջանի ձեռնարկություններում:
