Մակույկներով վենետիկցիների բողոքի զանգվածային ակցիան տեսագրվել է

Վենետիկի բնակիչները բողոքի զանգվածային ակցիայով են դիմավորել քաղաք ժամանած հերթական ճամփորդանավը: Այս մասին հաղորդել է Euronews հեռուստաալիքը, որը հրապարակել է իրադարձության տեսագրությունը:

Մակույկներով բողոքի ակցիային մասնակցել է ավելի քան երկու հազար մարդ: Նրանք վարել են կապույտ լույսեր, ծածանել դրոշներ եւ անպատշաճ ժեստեր ցույց տվել նավի ուղղությամբ:

Բողոքավորների խոսքով՝ ճամփորդանավերի անցման ժամանակ բարձրացող ալիքները ողողում-վնասում են ցցերը, որոնց վրա կանգնած են Վենետիկի հինավուրց շենքերը: Բացի դրանից, այդ նավերը վնաս են հասցնում բնապահպանությանը, նշում են ակտիվիստները: