Ալիևն ընդունել է Թուրքիայի պաշտպանության նախարարի գլխավորած պատվիրակությանը
Այսօր Ադրբեջանի նախագահ Իլհամ Ալիևն ընդունել է երկրում գտնվող թուրքական պատվիրակությանը, որը գլխավորում են Թուրքիայի պաշտպանության նախարար Ֆիքրի Ըշըքն ու զբոսաշրջության և մշակույթի նախարար Նաբի Ավջին:
Այս մասին հայտնում է ադրբեջանական APA գործակալությունը՝ հղում կատարելով Ադրբեջանի նախագահի մամլո ծառայությանը:
Թուրքիայի պաշտպանության նախարարը մասնակցել է Բաքվի ADEX-2016 միջազգային ռազմական ցուցահանդեսին:
Հանդիպմանը կողմերը վստահություն են հայտնել, որ Թուրքիայի և Ադրբեջանի եղբայրական հարաբերությունները զարգանալու են բոլոր ոլորտներում։
