ԱՄՆ Պետդեպը ամերիկացիներին զգուշացրել է Թուրքիայում նրանց սպառնացող ահաբեկչական վտանգի մասին
ԱՄՆ Պետդեպարտամենտը երեկ նախազգուշացրել է Թուրքիայի Ադանա քաղաքում ամերիկացիների նկատմամբ «հավաստի ու հստակ» ահաբեկչական սպառնալիքի մասին։
«Ադանայում գլխավոր հյուպատոսությունը տեղեկացնում է ամերիկացի քաղաքացիներին, որ ունի հստակ և հավաստի տեղեկություն ահաբեկչական պոտենցյալ ակտիվության մասին Ադանայում ամերիկյան հյուրանոցների դեմ»,- ասվում է հյուպատոսության հաղորդագրության մեջ։
Հյուպատոսությունը նշել է, որ շարունակում է ուշադիր հետևել իրավիճակին նաև թուրքական այլ քաղաքներում՝ Անկարայում, Ստամբուլում, Գազիանթեպում և երկրի հարավարևելյան մասերում։
