Ճապոնիայում ուժգին երկրաշարժ է տեղի ունեցել
Ճապոնիայի հարավում 5.7 մագնիտուդ ուժգնությամբ երկրաշարժ է տեղի ունեցել:
Ազգային օդերևութաբանական վարչության տվյալներով` երկրաշարժի էպիկենտրոնը գտնվում է Ամամի կղզու մերձակայքում, հայտնում է ТАСС-ը:
Հիպոկենտրոնի խորությունը 40 կմ է: Օդերևութաբանական ծառայությունը նախ հայտարարել է ցունամիի առաջացման սպառնալիքի մասին, հետո հայտարարել է, որ նման սպառնալիք չկա:
Հաղորդվում է, որ երկրաշարժից մի քանի վայրկյան առաջ ողջ Ճապոնիայի տարածքում գործել է նախազգուշացման հատուկ համակարգ, որ ներմուծվել է 2011թ. աղետալի երկրաշարժից ու դրան հաջորդած ցունամիից հետո: Երկրի բոլոր բնակիչների բջջային հեռախոսներին համապատասխան ծանուցում է եկել, որ ուղեկցվել է բարձր ազդանշանով:
