Ժոզե Մոուրինիոն գոհ է «Լեսթեր»-ի դեմ իր թիմի խաղից
Անգլիական «Մանչեսթեր Յունայթեդ»ի գլխավոր մարզիչ Ժոզե Մոուրինիոն մեկնաբանել է Պրեմիեր լիգայի 6-րդ տուրի՝ «Լեսթեր Սիթի»ի հետ խաղում իր թիմի հաղթանակը: Ժոզե Մոուրինիոն նշել է, որ գոհ է իր թիմի ցույց տված խաղից: «Մենք լավ խաղ ցուցադրեցինք և հաղթեցինք: «Լեսթեր»-ին այս ոճով հաղթելը հեշտ չէր: Խաղացողները արագ և ինտենսիվ հանդիպում անցկացրեցին: Հաճելի է վերադառնալ տուն չեմպիոնին հաղթելուց հետո», ասել է պորտուգալացի մասնագետը:
Նա հիշեցրել է, որ նախորդ մրցաշրջանում «Մանչեսթեր Յունայթեդ»-ը չի կարողացել հաղթել «Լեսթեր»-ին` նշելով, որ այս մրցաշրջանում արդեն երկրորդ անգամ են հաղթանակ տոնում գործող չեմպիոնի նկատմամբ:
Նա խոսել է նաև «Մանչեսթեր Յունայթեդ»-ի ավագ Ուեյն Ռունիի մասին, ով «Լեսթեր Սիթի»-ի հետ խաղում մնացել էր պահեստայինների նստարանին և փոխարինման դուրս եկել միայն վերջին րոպեներին: «Ռունին ինձ համար կարևոր խաղացող է: Նա կարևոր խաղացող է նաև ակումբի, այս երկրի համար: Ես նրան լիովին վստահում եմ», եզրափակել է Մոուրինյոն: Անգլիայի Պրեմիեր լիգայի 6րդ տուրի շրջանակներում «Մանչեսթեր Յունայթեդ»-ը սեփական հարկի տակ 41 հաշվով հաղթանակ է տոնել գործող չեմպիոն «Լեսթեր Սիթի»-ի նկատմամբ:
