Վրացի քաղաքական գործիչները ձեռնամարտի են բռնվել ուղիղ եթերում

Վրաստանի խորհրդարանի պատգամավորության թեկնածուները կռվել են ուղիղ եթերում, հայտնում է kp.ru-ն։

Քաշքշուկի տեսագրությունը հրապարակվել է YouTube-ում։
Քաղաքական գործիչները մասնակցել են հեռուսաբանավեճի։ Վիճաբանելիս նրանցից մեկը մյուսի կողմը գրիչ է նետել։ Ի պատասխան՝ վերջինս հարձակվել է մրցակցի վրա։
Քաշքշուկին միջամտել են հեռուստաալիքի աշխատակիցները, որպեսզի բաժանեն կռվողներին։

News.ru.com-ի տեղեկություններով՝ կոնֆլիկտը տեղի է ունեցել սեպտեմբերի 21-ին։ Վիճաբանել են «Դեմոկրատական շարժում» կուսակցությունից Վեպխիա Գուրգենիշվիլին և «Տոպաձե՝ Արդյունաբերողներ, Մեր հայրենիքը» դաշինքի անդամ Փոլադ Խալիկովը։

https://www.youtube.com/watch?v=kD22lwb6Q44