Մոսկվան սպառնացել է Էրդողանին
Թուրքիայի նախագահ Ռեջեփ Էրդողանի՝ Ուկրաինային աջակցող խոսքերը Ղրիմի պատկանելության հարցում, կարող են բարդացնել Ռուսաստանի հետ հարաբերությունը։ Այս մասին հայտարարել են ՌԴ Դաշնային խորհրդից, տեղեկացնում է korrespondent.net-ը։
Էրդողանը խոստացել է աջակցել Ուկրաինային ինքնիշխանության վերականգնման հարցում՝ երկրի նախագահ Պյոտր Պորոշենկոյի հետ ՄԱԿ-ի ԳԱ-ում հանդիպմանը։ Նա նշել է, որ Ռուսաստանի հետ երկխոսության վերականգնումը չի ազդի Ղրիմը ռուսական չճանաչելու վրա։
«Մենք ստացել ենք ևս մեկ հաստատում՝ մեր «բարեկամությունը» Թուրքիայի հետ ունի որոշակի սահմաններ և բավականաչափ պայմանական է։ Իհարկե, Ուկրաինայի աջակցության արարողակարգային խոսքերից այն կողմ Էրդողանը դժվար թե գնա»,- ասել է Դաշնային խորհրդի պաշտպանության կոմիտեի փոխնախագահ Ֆրանց Կլինցևիչը։
Նա նշել է, որ Էրդողանը գիտակցում է ռիսկերը, քանի որ ռուս-թուրքական հարաբերությունները նոր-նոր են սկսել կարգավորվել։
