Ֆիլիպինների սկանդալային նախագահը ԵՄ-ին միջնամատն է ցուցադրել

Ֆիլիպինների նախագահ Ռոդրիգո Դուերտեն Եվրամիությանը գրողի ծոցն է ուղարկել՝ ի պատասխան թմրավաճառների դեմ պայքարի միջոցների մեթոդների քննադատության, հայտնում է Aljazeera-ն։

Տեղի ձեռնարկատերերի հետ հայրենի Դավաո քաղաքում հանդիպմանը Ֆիլիպինների նախագահը ԵՄ-ին մեղադրել է կեղծավորության և Մերձավոր Արևելքի և Ասիայի երկրների՝ եվրոպացիների օկուպացիայի ժամանակ սեփական մեղքերը քավելու փորձի մեջ։

«Ես կարդացել եմ Եվրամիության հայտարարությունը և ասում եմ՝ գնացեք գրողի ծոցը»,- ասել է Դուերտեն՝ ցուցադրելով միջնամատի հայտնի ժեստը։

Ավելի վաղ նա ԱՄՆ նախագահ Բարաք Օբամային էր վիրավորել և սպառնացել նրան անիծել Լաոսի գագաթաժողովի ժամանակ։