Անկարգություններ ԱՄՆ-ում, վիրավորվել է 12 ոստիկան
Նվազագույնը 12 ոստիկան է վիրավորվել ԱՄՆ Հյուսիսային Կարոլինա նահանգի Շառլոտ քաղաքում ոստիկանության կողմից սևամորթ տղամարդու սպանությունից հետո, հայտնում է BBC-ն։
Ցուցարարները վնասել են ոստիկանական ավտոմեքենաներն այն վայրում, որտեղ տեղի էր ունեցել հրաձգությունը։
Սեպտեմբերի 20-ին 43-ամյա սևամորթ Քիթ Լամոնտ Սքոթը վիրավորվել էր սևամորթ ոստիկանի կողմից և մահացել հիվանդանոցում։
Ոստիկանությունը պնդում է, թե տղամարդը զինված է եղել և անմիջական սպառնալիք է ներկայացրել, սակայն նրա ազգականները հայտնել են, որ տղամարդու ձեռքին եղել է ոչ թե զենք, այլ գիրք։
Վրդովված ցուցարարները փակել են քաղաքի փողոցները, որոշ ԶԼՄ-ներ հայտնում են, թե ոստիկանությունը արցունքաբեր գազ է կիրառել ցուցարարների նկատմամբ։
