ՌԴ-ի հետ Սիրիայի հարցով ռազմական համագործակցության համաձայնագիր կնքելը վաղ է. Սպիտակ տուն
ԱՄՆ ադմինիստրացիան դեռ վաղ է համարում Ռուսաստանի հետ Սիրիայում համագործակցության մասին համաձայնագրի կնքումը, քանի դեռ երկրում հաստատված չէ կայուն հրադադար։ Ինչպես հայտնում է RIA Novosti-ն, այդ մասին հայտարարել է ԱՄՆ նախագահի ազգային անվտանգության հարցով խորհրդականի օգնական Բեն Ռոդսը։
«Ռազմական համագործակցությունը, որի մասին ավելի վաղ պայմանավորվել էին ԱՄՆ-ն և Ռուսաստանը, պետք է սպասի հրադադարի մասին պայմանավորվածությունների իրականացումը»,- հայտարարել է Ռոդսը ճեպազրույցում։
Նա նշել է, որ ԱՄՆ-ը հավատարիմ է Սիրիայում հրադադարի հաստատմանը և բռնության նվազմանը։
