«Անհամբեր սպասում եմ, թե երբ եմ դիտելու ֆիլմը». Ֆարել Ուիլյամսը՝ «Խոստում» ֆիլմի մասին
Ամերիկացի ճանաչված երգիչ Ֆարել Ուիլյամսը Twitter-ի իր միկրոբլոգում անդրադարձել է Հայոց ցեղասպանության մասին պատմող «Խոստում» ֆիլմին։
«Անհամբեր սպասում եմ, թե երբ եմ դիտելու այս ֆիլմը»,- գրել է երգիչն իր միկրոբլոգում։
Ամերիկահայ բարերար Քըրք Քըրքորյանի նախաձեռնությամբ Հայոց ցեղասպանության մասին պատմող «Խոստում» ֆիլմը մեծ էկրաններին կհայտնվի այս տարվա դեկտեմբերի սկզբին:
«Խոստում» ֆիլմում նկարահանվել են այնպիսի հայտնի դերասաններ, ինչպիսիք են Շառլոտ լը Բոնը, Ջեյմս Քրոմվելը, Ժան Ռենոն, Շորե Ագդաշլուն և Անժելա Սարաֆյանը:
