Թուրքիայի խորհրդարանը կքննարկի Սիրիայում և Իրաքում երկրի ԶՈՒ լիազորությունների երկարաձգման հարցը
Թուրքիայի խորհրդարանը կքննարկի Սիրիայում և Իրաքում գործողություններ իրականացնելու հարցով զինված ուժերի լիազորությունների երկարաձգման մասին օրինագիծը, հայտնում է թուրքական Hurriyet թերթը։
Պարբերականի տեղեկություններով՝ քննարկումները խորհրդարանում տեղի կունենան հոկտեմբերին։
Թուրքիայի խորհրդարանը 2012թ. ընդունել է այսպես կոչված «սիրիական մանդատը»։ Համաձայն մանդատի՝ Թուրքիայի ԶՈՒ-ն կարող է ձեռնարկել ցանկացած միջոցառում՝ պայքարելու ահաբեկչության և այլ սպառնալիքների դեմ, որոնք ուղղված են երկրի դեմ, հետ մղել վտանգը, որը կարող է առաջանալ Իրաքում և Սիրիայում ահաբեկչական խմբերի կողմից, պաշտպանել երկրի շահերը, ինչպես նաև վարել ռազմական գործողություններ։
