Հալեպում ռմբակոծվել է ՄԱԿ-ի մարդասիրական շարասյունը. կան զոհեր
Հալեպում ավիահարվածների տակ է հայտնվել մարդասիրական օգնություն տեղափոխող շարասյունը, որն ուղևորվում էր ապստամբների վերահսկողության տակ գտնվող շրջաններ, հայտնում է BBC-ն։
Չճշտված տեղեկությունների համաձայն՝ ավիահարվածների հետևանքով սպանվել է 12 մարդ։
Ավտոշարասյունը Հալեպ էր ուղևորվում ՄԱԿ-ի և Կարմիր մահիկի սիրիական բաժանմունքի կողմից։
ՄԱԿ-ի ներկայացուցիչների համաձայն՝ վնասվել է 31 բեռնատարից առնվազն 18-ը։
Սոցցանցերում հայտնվել են կրակով բռնկված բեռնատարների նկարները։
ԱՄՆ-ն իր վրդովմունքն է հայտնել տեղի ունեցածի առնչությամբ և հայտարարել Սիրիայի հարցով Ռուսաստանի հետ ապագա համագործակցության վերանայման մասին։
