ԱՄՆ-ն և Իսրայելը ստորագրել են 38 մլրդ դոլարի ռազմական օգնության մասին համաձայնագիր
ԱՄՆ-ի և Իսրայելի իշխանությունները հուշագիր են ստորագրել ռազմական համագործակցության մասին, որը վերաբերում է անվտանգության հարցերին, հայտնում է Reuters-ը։
Նշվում է, որ ԱՄՆ-ը 2018-2028 թվականներին Իսրայելին կհատկացնի 38 մլրդ դոլարի օգնություն, ընդ որում, տարեկան Իսրայելը կստանա 3.3 մլրդ դոլար, ինչպես նաև 500 միլիոն դոլար՝ հակահրթիռային պաշտպանության համար։
Փաստաթղթի համաձայն՝ Իսրայելը ժամանակի ընթացքում պետք է դադարի գնել զենք, որն արտադրված չէ Նահանգներում։ Բացի այդ՝ հրեական պետությանն արգելվում է հատկացված միջոցները ծախսել ռազմական տեխնիկայի վառելիքի վրա։
Նշվում է նաև, որ Իսրայելը կարող է հավելյալ գնել ամերիկյան 5-րդ սերնդի F-35 կործանիչներ։
Ավելի վաղ հաղորդվել էր, որ ԱՄՆ-ը և Իսրայելը վերջնականապես համաձայնեցրել են ամերիկյան ռազմական օգնության նոր փաթեթը
Տվյալ գործարքը խոշորագույն համաձայնագիր է, որով ԱՄՆ-ը ինչ-որ պետության ցուցաբերում է նման խոշոր չափի ռազմական օգնություն, այն նախատեսում է նաև զիջումներ Իսրայելի կողմից։ Մասնավորապես, խոսքն այն պայմանավորվածության մասին է, որի համաձայն՝ Իսրայելը հավելյալ միջոցներ չի խնդրի ԱՄՆ Կոնգրեսից։
