«Ինչ է նշանակում դրսի կադր է». Շավարշ Քոչարյանը՝ Կարեն Կարապետյանի՝ «դրսի կադր» լինելու մասին
ՀՀ արտաքին գործերի նախարարի տեղակալ Շավարշ Քոչարյանն այսօր աձագանքեց այն հայտարարություններին, թե ՀՀ նորանշանակ վարչապետ Կարեն Կարապետյանը դրսի կադր է։
«Ինչ է նշանակում՝ դրսի կադր է։ Հայաստանի Հանրապետության քաղաքացի է, ինչ է նշանակում՝ հանրապետական չէ, եթե Հանրապետականի ցուցակով անցել էր ժամանակին Երևանի ընտրություններում, հիմա էլ է քաղաքացի և չի դադարել քաղաքացի լինել»,- լրագրողների հետ զրույցում ասաց Շավարշ Քոչարյանը։
