ԱՄՆ Միսսուրի նահանգում թույլատրվել է զենք կրել առանց լիցենզիայի

ԱՄՆ Միսսուրի նահանգի գլխավոր ասամբլեան թույլատրել է տեղացիներին զենք կրել առանց հատուկ թույլտվության, հայտնում է BBC-ն։

Հանրապետական կուսակցության ներկայացուցիչները, որոնք նահանգի օրենսդրական մարմնում մեծամասնություն են, կարողացել են հավաքել անհրաժեշտ ձայներ, որն անհրաժեշտ է վետոյի հաղթահարման համար, որն ավելի վաղ համապատասխան օրենքի վրա դրել էր դեմոկրատ նահանգապետ Ջեյ Նիքսոնը։

Ներկայում նահանգի չափահաս բնակիչները իրավունք են ստանում գնել և կրել հրազեն՝ առանց նման զենքի կրման հատուկ լիցենզիայի։

Հանրապետականները կարծում են, որ դա թույլ կտա օրինապահ քաղաքացիներին իրենց և իրենց ընտանիքները պաշտպանել։

Օրինագծի քննադատները դեմ էին՝ համարելով, որ օրենքի ընդունումը կարող է հանգեցնել բռնության աճի՝ զենքի կիրառմամբ։ Նրանք նաև համարում են, որ նման բռնության զոհ կարող են դառնալ աֆրոամերիկացիները։