Թուրքիայում կասեցվել է Գերմանիայի դիվանագիտական ներկայացուցչությունների աշխատանքը
Թուրքիայում անվտանգության նկատառումներով ժամանակավորապես իրենց աշխատանքը դադարեցրել են Գերմանիայի դիվանագիտական ներկայացուցչությունները։
Խոսքը Գերմանիայի առանցքային դիվանագիտական հաստատությունների մասին է՝ Անկարայի դեսպանության և Ստամբուլի գլխավոր հյուպատոսության։
Կասեցվել է նաև ուսուցումը գերմանական դպրոցներում, հայտնում է գերմանական Berliner Zeitung պարբերականը։
Գերմանիայի ԱԳՆ-ում հայտնել են, որ Կուրբան-բայրամ տոնի առնչությամբ Թուրքիայում Գերմանիայի դիվանագիտական ներկայացուցչությունները «հասանելի են միայն սահմանափակ ռեժիմով»։
Պլանավորվում է, որ հաստատություններն իրենց սովորական ռեժիմին կվերադառնան սեպտեմբերի 16-ին։
