Քրդերը Վանի նահանգում զրահամեքենա են պայթեցրել
Թուրքիայի արևելյան Վան նահանգում «Քրդստանի աշխատավորական» կուսակցության (PKK) մարտիկները պայթեցրել են զինվորականների զրահապատ փոխադրամիջոցը, որը հետևել է ավտոշարասյանը:
Այս մասին հայտնում է թուրքական Haber7 թերթը։
Թերթի տեղեկություններով՝ պայթյունը իրականացվել է ինքնաշեն ականի միջոցով՝ հեռակառավարմամբ։
Միջադեպը գրանցվել է Վանի Շատախի շրջանի Քաջիթ գյուղի մոտ։
Դեպքի հետևանքով տուժածների մասին տեղեկություններ չեն հաղորդվում։
