Թրամփը խոստացել է iPhone-ի արտադրությունը տեղափոխել ԱՄՆ

Apple-ը եւ Միացյալ Նահանգների մյուս ընկերություններն իրենց արտադրանքի թողարկումը կվերսկսեն ԱՄՆ-ի տարածքում՝ նոյեմբերին կայանալիք ընդհանուր ընտրություններում Հանրապետական կուսակցության հաղթանակի դեպքում: Այս մասին հայտարարել է Հանրապետական կուսակցությունից պետության ղեկավարի պաշտոնի թեկնածու Դոնալդ Թրամփը՝ կողմնակիցների առջեւ ելույթ ունենալով Դե Մոյն քաղաքում (Այովայի նահանգ):

«Apple-ը եւ մեր մյուս խոշորագույն ընկերությունները կսկսեն iPhone, համակարգիչներ եւ այլ ապրանքներ հավաքել Միացյալ Նահանգներում, այլ ոչ թե Չինաստանում կամ ամբողջ աշխարհում: Մենք այլեւս ամերիկյան ապրանքներ չենք արտադրում Միացյալ Նահանգներում, բայց մենք դրանք կարտադրենք այստեղ, ընդ որում այնպես, ինչպես նախկինում երբեք»,- ասել է նա:

Թրամփը նաեւ խոստացել է նախագահ ընտրվելու դեպքում Ամերիկայում ծավալել ճանապարների, կամուրջների, թունելների, օդանավակայանների, դպրոցերի եւ հիվանդանոցների զանգվածային շինարարություն, հաղորդել է ՏԱՍՍ-ը:

Լուսանկարը` REUTERS

Տեսանյութեր

Լրահոս