Թուրքիան մարդասիրական օգնություն է ուղարկել Սիրիա
Մարդասիրական օգնություն տեղափոխող 20 բեռնատարներից բաղկացած թուրքական ավտոշարասյունը հատել է Սիրիայի սահմանը, հայտնում է թուրքական Anadolu գործակալությունը։
Գործակալության տվյալով՝ սննդամթերք, հագուստ և խաղալիքներ տեղափոխող բեռնատարներն ուղևորվում են Հալեպ քաղաք։
Ավելի վաղ հաղորդվել էր, որ Սիրիայում սեպտեմբերի 12-ի ուժի մեջ է մտել ռուս-ամերիկյան պայմանավորվածությունների փաթեթը։ Հրադադարը պետք է տևի 48 ժամ, այնուհետ՝ ևս 5 օր։
Դրանից հետո Ռուսաստանն ու ԱՄՆ-ն համաձայնեցված կերպով հարվածելու են ահաբեկչական խմբավորումներին։
