Ադրբեջանը բանտից ազատել է ընդդիմադիր ReAl շարժման գործադիր քարտուղարին
Ադրբեջանի Նասիմինսկի շրջանային դատարանը նախօրեին ազատ է արձակել «Հանրապետական այլընտրանք» (ReAl) շարժման գործադիր քարտուղար Նատիգ Ջաֆարլիին: Նրա նկատմամբ խափանման միջոցը՝ կալանքը, փոխարինվել է երկրից չհեռանալու ստորագրությամբ։
Այս մասին Turan գործակալությանը հայտնել է անձամբ Ջաֆարլին: Սակայն հայտնի է, որ նրա նկատմամբ քրեական գործի հետաքննությունը շարունակվում է:
Ջաֆարլին կալանավորվել էր օգոստոսի 12-ին անօրինական ձեռնարկատիրություն ծավալելու և լիազորությունների չարաշահման մեղադրանքով:
REAL շարժումը նրա կալանավորումը պատճառաբանել էր քաղաքական դրդապատճառներով:
Ընդդիմադիր գործչի կալանավորումը Ադրբեջանում և աշխարհում մեծ արձագանքներ էր առաջացրել՝ միջազգային իրավապաշտպան կառույցները դատապարտել էին նրա նկատմամբ քրեական հետապնդումը:
ԱՄՆ Պետդեպն ու ԵՄ-ն նույնպես կոչ էին արել ազատել Ջաֆարլիին:
