Սպանություն Գեղարքունիքի մարզում. 27-ամյա տղան սպանել է 60-ամյա մորը. shamshyan.com
Երեկ՝ սեպտեմբերի 8-ին, սպանություն է տեղի ունեցել Գեղարքունիքի մարզում: Ժամը 15:40-ի սահմաններում Մարտունի բժշկական կենտրոնի շտապօգնության խումբը ոստիկանության Մարտունու բաժին հայտնել է, որ կանչով մեկնել են Ներքին Գետաշեն գյուղ, որտեղ տներից մեկում հայտնաբերել են դանակահարված կնոջ: Ինչպես հայտնում է ֆոտոլրագրող Գագիկ Շամշյանը, նշված վայր է մեկնել ոստիկանության Գեղարքունիքի մարզային վարչության օպերատիվ խումբը՝ վարչության պետի տեղակալ Պետրոսյանի գլխավորությամբ:
Պարզվել է, որ նույն օրը ժամը 15:20-ի սահմաններում Ներքին Գետաշեն գյուղի Վ. Դուրյան թաղամասի 16-րդ փողոցի 6-րդ տան բնակիչ, 27-ամյա Տիգրան Գասպարյանը նշված հասցեում վիճաբանության ժամանակ իր մոտ եղած դանակով հարվածել է նույն հասցեի բնակիչ, 60-ամյա Օֆիկ Խաչատրյանի պարանոցի թիկունքային հատվածին: Վերջինս էլ տեղում մահացել է: Ֆոտոլրագրողը հայտնում է, որ Տ. Գասպարյանը քննիչ Մարտոյանի որոշմամբ ձերբակալվել է:
Ամբողջությամբ՝ սկզբնաղբյուր կայքում։
