Եվրախորհրդարանի փոխնախագահն ու Իլհամ Ալիևը համագործակցության հարցեր են քննարկել
Ադրբեջանի նախագահ Իլհամ Ալիևն ընդունել է Եվրախորհրդարանի փոխնախագահ Ռիչարդ Չառնեսկու գլխավորած պատվիրակությանը, տեղեկացնում է APA գործակալությունը:
Ալիևի խոսքով` Չառնեսկու գլխավորած պատվիրակության այցը Ադրբեջան լավ հնարավորություն է ծանոթանալու Ադրբեջանում ընթացող գործընթացների հետ:
Չառնեսկին նշել է, որ աջակցում է Ադրբեջանի ներքին ու միջազգային քաղաքականությանը:
Նա ընդգծել է, որ իրականացվող «բարեփոխումներն ու աշխատանքները Ադրբեջանի ինքնիշխան իրավունքն է»:
Հանդիպման ընթացքում կողմերը կարծիքներ են փոխանակել իրավական և օրենսդրական ոլորտներում իրականացվող աշխատանքի վերաբերյալ, որի նպատակն է կատարելագործել Ադրբեջանի կառավարումը: