Պորոշենկոն և Մերկելը քննարկել են Դոնբասում ստեղծված վիճակը
Ուկրաինայի նախագահ Պյոտր Պորոշենկոն հեռախոսազրույց է վարել Գերմանիայի կանցլեր Անգելա Մերկելի հետ, հայտնում է Պորոշենկոյի կայքը:
Զրուցակիցները քննարկել են Դոնբասում անվտանգության հետ ստեղծված իրավիճակը: Պորոշենկոն իր անհանգստությունն է հայտնել ռուս զինյալների կողմից ծանր սպառազինություն կիրառելու առնչությամբ, չնայած սեպտեմբերի 1-ին կրակի դադարեցման ռեժիմի հաստատմանը:
Կողմերը պայմանավորվել են ակտիվացնել դիվանագիտական ջանքերը «Նորմանդյան քառյակի» եռակողմ կոնտակտային խմբի շրջանակում` Մինսկի պայմանավորվածությունների կատարման նպատակով:
Պորոշենկոն և Մերկելն ընդգծել են բոլոր պատանդներին շուտափույթ ազատելու կարևորությունը: