«Սիրիայի կառավարության բալիստիկ հրթիռները սպառնալիք են Թուրքիայի համար». Ֆիքրի Ըշըքը` Ստոլտենբերգին
Սիրիայի կառավարության բալիստիկ հրթիռները սպառնալիք են ներկայացնում Թուրքիայի անվտանգության համար: Այս մասին հայտարարել է Թուրքիայի պաշտպանության նախարար Ֆիքրի Ըշըքը ՆԱՏՕ-ի գլխավոր քարտուղար Յենս Ստոլտենբերգին: Այս մասին տեղեկացնում է թուրքական Star թերթը:
Նրա խոսքով` բալիստիկ սպառնալիքից պաշտպանվելու համար Թուրքիան կարիք ունի ամրապնդել իր ՀՕՊ համակարգը:
2012թ. Անկարայի պահանջով Թուրքիայում Սիրիայի կողմից հնարավոր հրթիռակոծությունից պաշտպանվելու համար երկրում տեղակայվել էին Patriot զենիթահրթիռային համակարգերը:
Այդուհանդերձ, Թուրքիայի որոշ շրջաններ ենթարկվել են հրթիռակոծության սիրիական կողմից:
