«Եվրատեսիլ-2017»-ը կանցկացվի Կիևում
«Եվրատեսիլ-2017» միջազգային երգի մրցույցը կանցկացվի Կիևում: Այդ մասին մամուլի ասուլիսի ժամանակ հայտարարել է Ուկրաինայի ազգային հեռուստաընկերության նախագահ Զուրաբ Ալասանիան:
Մրցույցը կանցկացվի Միջազգային առևտրային կենտրոնում, որը գտնվում է «Լևոբերեժնայա» մետրոյի հարևանությամբ, հայտնում է «112 Ուկրաինան»:
«Եվրատեսիլում» Ուկրաինան ներկայացնող Ջամալայի հաղթանակից հետո ուկրաինական քաղաքները մրցույթ էին հայտարարել միջոցառման անցկացման համար: Եզրափակիչ էին դուրս եկել Օդեսան և Կիևը:
Ուկրաինայի նախարարների կաբինետը հեռուստատեսության և ռադիոհեռարձակման պետական կոմիտեին իր պահուստային հիմնադրամից հատկացրել է շուրջ 17 միլիոն դոլար մրցույթի կազմակերպման համար:
