Հնդկաստանում ավտոբուսը կամրջից ընկել է. կան զոհեր
Հնդկաստանի արեւելքի Օրիսայի նահանգում առնվազն 21 մարդ է զոհվել կամրջից ավտոբուսի ընկնելու հետեւանքով: Այս մասին հայտնել է Associated Press գործակալությունը: Միջադեպի հետեւանքով եւս 30 մարդ վիրավորվել է:
Ոստիկանության աշխատակիցը նշել է, որ վարորդը կորցրել է կառավարումը, երբ խոսում էր բջջային հեռախոսով: Ավելի վաղ The Times of India թերթը գրել է, որ վթարի հնարավոր պատճառը կարող էր լինել առջեւի անվադողի պայթելը, հաղորդել է ՏԱՍՍ-ը:
