ՆԱՏՕ-ն մտադիր է ավելի քան 70 մլն եվրո հատկացնել կիբերանվտանգությանը
ՆԱՏՕ-ն 2017 թվականից ձեռնամուխ կլինի կիբերպաշտպանության սեփական համակարգի արդիականացմանը և մտադիր է այդ նպատակների համար տրամադրել ավելի քան 70 մլն եվրո: Այս մասին տեղեկացնում է ՆԱՏՕ-ի մամուլի ծառայությունը։
Կիբերսպառնալիքների դեմ պայքարում ՆԱՏՕ-ի անդամ պետությունների համատեղ գործողությունների քննարկմանն է նվիրվել Բելգիայի Մոնս քաղաքում այսօր հրավիրված կիբերանվտանգության հարցերով դաշինքի ամենամյա համաժողովը։
Համաժողովին մասնակցում են Հյուսիսատլանտյան դաշինքի պաշտոնատար անձինք, այդ թվում` ՆԱՏՕ-ի կիբերանվտանգության և տեղեկատվության կենտրոնի ղեկավարներն ու պրոֆիլային արդյունաբերական ձեռնարկությունների ներկայացուցիչները:
«Ի թիվս այլ հարցերի` համաժողովում քննարկվելու են կիբեր-հնարավորությունների հիմնարար արդիականացման և նորացման խնդիրներ, որի համար տրամադրվելու է ավելի քան 70 մլն եվրո, գործընթացն սկսվելու է 2017 թվականից»,- հայտնել են ՆԱՏՕ-ի մամուլի ծառայությունից:
