«Կա՞ ուրիշ մարզիչ, որ կարող է կես տարում նվաճել Չեմպիոնների լիգան». Ռոնալդուն՝ Զիդանի մասին
Մադրիդի «Ռեալի» պորտուգալացի հարձակվող Կրիշտիանու Ռոնալդուն բաց չի թողել առիթը հերթական անգամ գովաբանելու թիմի գլխավոր մարզիչ Զինեդին Զիդանին:
Ռոնալդուն նշել է, որ Զիդանը ողջ թիմի հաջողության բանալին է: Զիդանը կարողանում է միշտ պահպանել հավասարակշռությունը և կառավարել էմոցիաները:
«Կա՞ ուրիշ մարզիչ, որ կարող է կես տարում նվաճել Չեմպիոնների լիգան:
Ես երջանիկ եմ, որ նա մեզ հետ է:
Մենք վստահում ենք Զիդանին ու հենց նրա համար կանենք ամեն ինչ Չեմպիոնների լիգան ևս մեկ անգամ հաղթելու համար»,- նշել է պորտուգալացին:
Սիրարփի Աղաբաբյան
