Էրդողանն ընդունել է Օբամայի առաջարկությունը
Անկարան պատրաստ է ընդունել Վաշինգտոնի առաջարկությունը` համատեղ ուժերով ազատագրել Սիրիայի Ռաքքա քաղաքն ահաբեկչական ԴԱԻՇ խմբավորման զինյալներից: Այս մասին հայտարարել է Թուրքիայի նախագահ Ռեջեփ Էրդողանը, գրում է թուրքական Hürriyet թերթը:
«ԴԱԻՇ-ի ամենագլխավոր կենտրոնը Ռաքքան է: Օբաման ասաց ինձ, որ ցանկանում է մեզ հետ միասին ինչ-որ բան անել Ռաքքայի հետ: Մենք պատասխանել ենք, որ մեր կողմից ոչ մի խնդիր չկա: Մենք առաջարկել ենք, որ մեր զինվորականները հավաքվեն և քննարկեն հարցը` ինչպես դա անել»,- հայտարարել է Էրդողանը Հանչժոուից վերադառնալիս ինքնաթիռում լրագրողների հետ զրույցի ժամանակ:
Էրդողանը հավելել է, որ Թուրքիան «պետք է ապացուցի, որ գոյություն ունի տարածաշրջանում և հետքայլ անելու իրավունք չունի»:
