Պետերբուրգի «Պուլկովո» օդանավակայանի ուղևորներին տարհանել են
Ոստիկանությունը տարհանել է ուղևորների և անձնակազմի մի մասին Սանկտ Պետերբուրգի «Պուլկովո» օդանավակայանից, հայտնում է BBC-ի ռուսական ծառայությունը` վկայակոչելով օդանավակայանին:
Տարհանման պատճառ են նշվում անվտանգության ապահովման միջոցառումները: Պետերբուրգի «Ֆոնտանկա.ռու» պարբերականը տարհանումը բացատրում է օդանավակայանում իբրև տեղադրված ռումբի անանուն հաղորդագրությամբ:
Պարբերականի տեղեկություններով` օդանավակայանը շրջապատված է, ամենուր ոստիկաններ են, որոնք ուսումնասիրում են տարածքը:
Միաժամանակ, օդանավակայանը շարունակում է աշխատանքը:
