Ադրբեջանը Ղարաբաղ այցելած բելգիացի պատգամավորների անունները կներառի «սև ցուցակում»
Ադրբեջանի ԱԳՆ մամուլի ծառայության ղեկավար Հիքմեթ Հաջիևը հայտարարել է, որ Բելգիայի Թագավորությունում Ադրբեջանի դեսպանությունը դիմել է Բելգիայի խորհրդարանի Ներկայացուցիչների պալատին, «Քրիստոնյա դեմոկրատներ և ֆլամանդացիներ» կուսակցության խորհրդին, որտեղ ներկայացված է Էլս վան Հուֆը (Բելգիայի Թագավորության Ներկայացուցիչների պալատի պատգամավոր, Բելգիա-Հայաստան խորհրդարանական բարեկամության խմբի ղեկավար)` կապված Բելգիայի խորհրդարանականների` Լեռնային Ղարաբաղ այցի հետ:
Հաջիևը հայտարարել է, որ Էլս վան Հուֆի, Ներկայացուցիչների պալատի անդամ Ժորժ Դալմանի այցերը կրել են «մասնավոր բնույթ»:
Հաջիևը հայտարարել է, որ համապատասխան ստուգումներից հետո նրանց անունները կներառվեն Ադրբեջանի ԱԳՆ-ի անցանկալի անձանց ցուցակում:
