Թուրքիան ուժեղացնում է կիբերանվտանգությունը
Թուրքիան կուժեղացնի ցանցահենային հարձակումներից պաշտպանությունը` ստեղծելով կիբերանվտանգության նոր ռազմավարություն, հայտնում է թուրքական Haber 7-ը`հղում կատարելով Թուրքիայի տրանսպորտի, նավագնացության և կապի նախարարությանը:
Թերթի տվյալներով` կապված նոր ռազմավարության հետ, ստեղծվելու է մարմին, որը վերահսկելու է պետական տեղեկատվական ռեսուրսները:
Նոր կառույցի պարտականությունների մեջ է մտնելու նաև ցանցահենային հարձակումների սպառնալիքի վնասազերծումը:
Կիբերհարձակումները սպառնում են, մասնավորապես, Թուրքիայի իրավապահ մարմինների կայքերին:
Այսպես, Թուրքիայի ինտերնետ-բանքինգը վերջերս տեղի ունեցած հարձակման հետևանքով կաթվածահար էր եղել 10 օր շարունակ:
