«Քրդերը լքում են Մանբիջը». Էրդողան
«Դեմոկրատական միության» (PYD) մարտիկներն ու քրդական ինքնապաշտպանական ջոկատները (YPG) լքում են Սիրիայի Մանբիջ քաղաքը:
Այս մասին հայտարարել է Թուրքիայի նախագահ Ռեջեփ Էրդողանը իր ամերիկացի գործընկերոջ` Բարաք Օբամայի հետ հանդիպմանը, որը կայացել էր Չինաստանում`G20 գագաթաժողովի շրջանակներում, գրում է թուրքական Hurriyet թերթը` հղում կատարելով դիվանագիտական աղբյուրին:
Պարբերականի տեղեկություններով` հանդիպմանը Թուրքիայի նախագահը հայտարարել է, թե ազատագրված սիրիական քաղաքում տեղակայվելու են Սիրիայի ազատ բանակի մարտիկները:
