«Իսլամական պետություն»-ը ծրագրել էր ահաբեկչություններ Մեծ Բրիտանիայում, Հոլանդիայում եւ Ֆրանսիայում
«Իսլամական պետություն» ահաբեկչական խմբավորման գրոհայինները ծրագրել էին ահաբեկչություններ իրականացնել ոչ միայն Փարիզում, այլեւ եվրոպական այլ երկրներում: Այս մասին տեղեկացնում է CNN-ը:
Հեռուստաընկերության տվյալների համաձայն` ԻՊ նպատակներից մեկը նաեւ Հոլանդիան էր, ինչպես նաեւ եւս մի քանի ֆրանսիական քաղաքներ:
CNN–ը նշում է, որ գրոհայինները ձեռնարկել էին միջոցներ, որպեսզի ահաբեկչություններ իրականացնեին նաեւ Մեծ Բրիտանիայում:
Լրագրողների ձեռքերում են հայտնվել Viber, Telegram и WhatsApp հավելվածների միջոցով ձեռք բերված փաստաթղթեր եւ լուսանկարներ, որոնք պարունակում են տեղեկատվություն ահաբեկչական խմբավորման հնարավոր անդամների մասին:
