Թուրքիայում շարունակվում են Ֆաթուլլահ Գյուլենի կողմնակիցների ձերբակալությունները
Թուրքիայում գյուլենականների դեմ իրականացվող հետախուզական գործողությունների շրջանակում 37 անձ է ձերբակալվել: Այս մասին հայտնում է թուրքական trthaber.com լրատվական գործակալությունը:
Ստամբուլի գլխավոր դատախազի` ահաբեկչության եւ կազմակերպված հանցավորության դեմ պայքարի գծով տեղակալ Իսմայիլ Ուչարի գլխավորությամբ իրականացվող հետախուզական գործողությունների երկրորդ փուլի շրջանակում ձերբակալվել է «Թյուրք տելեկոմ»-ի 37 աշխատակից` չափավոր իսլամի թուրք քարոզիչ Ֆաթուլլահ Գյուլենի ուսմունքին սատարելու կասկածանքով:
«Թյուրք տելեկոմ»-ի աշխատակիցների նկատմամբ Ստամբուլի դատախազության` պետական և մասնավոր ոլորտները գյուլենականներից մաքրելուն ուղղված հետախուզական գործողությունների առաջին փուլում ձերբակալվել էր 11 աշխատակից:
