Ադրբեջանում բանկերը ամբողջովին կասեցրել են դոլարի վաճառքը
Ադրբեջանում սեպտեմբերի 2ից բոլոր բանկերը որոշ ժամանակով կասեցրել են դոլարի վաճառքը` կապված ադրբեջանական մանաթի շարունակական անկման հետ:
Այս մասին հայտնում է ադրբեջանական azadliq.info լրատվական գործակալությունը:
Ադրբեջանի ամենախոշոր բանկերը` «Փաշա բանկը», «Կապիտալ բանկը», «Յունիբանկը» եւ Ադրբեջանի միջազգային բանկը, պաշտոնապես հայտարարել են դոլարի վաճառքը կասեցնելու մասին: Ամերիկյան դոլարի վաճառքը դադարեցվել է նաեւ օդանավակայանում, բայց այս մասին պաշտոնական հայտարարություն չի եղել:
Վերջին մեկ տարվա ընթացքում ադրբեջանական մանաթը դոլարի նկատմամբ արժեզրկվել է` նախորդ տարվա սկզբին եղած մեկ դոլարի դիմաց 0.802 մանաթի փոխարեն դառնալով 1,67 1,69 մանաթ:
