ՌԴ-ն պատրաստ է քննարկել ԵԱՏՄ-ի հետ ազատ առևտրի գոտի ստեղծելու վերաբերյալ Հարավային Կորեայի առաջարկը
Ռուսաստանը պատրաստ է քննարկել Հարավային Կորեայի` Եվրասիական տնտեսական միությանը ինտեգրվելու առաջարկը: Ինչպես հաղորդում է «Ռիա նովոստի»ն, Հարավային Կորեայի նախագահ Պակ Կին Հեի հետ բանակցությունների արդյունքներով հայտարարության ընթացքում այս մասին ասել է ՌԴ նախագահ Վլադիմիր Պուտինը:
«Մեր կորեացի գործընկերները հաստատել են հետաքրքրվածությունը Եվրասիական տնտեսական միության հետ ազատ առևտրի գոտի ստեղծելու վերաբերյալ: Մենք պատրաստ ենք միասին քննարկել մեր ինտեգրացիոն ծրագրերը և տիկին նախագահի գաղափարներն այդ ուղղությամբ», ասել է Պուտինը:
