Սեպտեմբերի 12-ի աշխատանքային օրը կտեղափոխվի
ՀՀ կառավարության վաղվա նիստի ընթացքում կքննարկվի սեպտեմբերի 12-ի աշխատանքային օրը սեպտեմբերի 17-ը տեղափոխելու հարցը։ Որոշման նախագիծը կառավարության նիստի ընթացքում կներկայացնի կառավարության աշխատակազմի ղեկավար-նախարար Դավիթ Հարությունյանը։
««Աշխատանքային օրը տեղափոխելու մասին» ՀՀ կառավարության որոշման նախագծի ընդունումը նպատակ ունի հնարավորություն ընձեռնել ՀՀ քաղաքացիներին` Խաչվերացի` սեպտեմբերի 11-ին հաջորդող հիշատակի օրն այցելելու իրենց ննջեցյալների գերեզմանները»,- ասվում է որոշման նախագծում:
