Մամեդյարովը կմասնակցի ԵԱՀԿ ու ԵՄ «Արևելյան գործընկերության» երկրների արտգործնախարարների ոչ պաշտոնական հանդիպումներին
Ադրբեջանի արտգործնախարար Էլմար Մամեդյարովը սեպտեմբերի 1-ին կմասնակցի Պոտսդամում (Գերմանիա) կայանալիք ԵԱՀԿ արտգործնախարարների ոչ պաշտոնական հանդիպմանը: Այս մասին հայտնում է Trend-ը` հղում կատարելով Ադրբեջանի ԱԳՆ մամուլի ծառայությանը:
Մամեդյարովը պլանավորում է նաև մասնակցել նաև ԵՄ-ի «Արևելյան գործընկերության» ծրագրի անդամ երկրների արտգործնախարարների ոչ պաշտոնական հանդիպմանը, որը անցկացվելու է սեպտեմբերի 3-ին՝ Բրատիսլավայում (Սլովակիա):
Ադրբեջանի ԱԳՆ ղեկավարը մտադիր է ելույթ ունենալ երկու հանդիպումներին:
Նախատեսված են նրա երկկողմ հանդիպումները պատվիրակությունների ղեկավարների հետ:
